3ª SUBIDA NOCTURNA XALO EN BTT

Comenzamos ás 20:30 facendo un quencemento pola zona de Sueiro e Vinseira, bastante rápido e con algunhas rampas curtas e intensas, para voltar de novo a Celas e tirar cara ó Xalo pasando polos muíños, que se ven doutro xeito cando é noite pechada e corres o risco de rematar no río ou clavarse nalgún lameiro como lle pasou a Segade e case hai que buscar o guindastre para sacalo.

Subimos o Xalo polo sitio habitual e ó chegar á bifurcación tiramos cara arriba para seguir o percorrido actual do Roteiro. Nas últimas rampas antes da cume arranxaron o camiño, de xeito que perdeu bastante técnica a cambio de volverse máis pestoso por mor da terra solta e area que quedou no chan.

Con un par de necesarias paradas de agrupamento chegamos ó punto máis alto preto da antena, no medio dunha lixeira néboa que impedía ver a paisaxe nocturna e tamén mollaba un pouco, o que engadido á brisa que corría non era cuestión de deterse a arrefriar e deseguido decidimos baixar facendo primeiro uns qmts de cresteo ata dar coa pista principal que pillamos xa ata abaixo furando a obscuridade e o pó que levantaban os que ían diante.

Xa en Celas, unha ducha en seco e cambio de roupa para rematar case todos ceando no Canteiro un merecido churrasco. Acompañáronnos nesta lúdica tarea Ana, Karina, Susi e Carlos e botamos moito de menos a Javitrón, que estaba apuntado e non puido asistir por mor dunha inoportuna afección de gorxa.
O ano que ven máis.