VII RUTA BTT CONCELLO DE VIMIANZO
28-08-2010
[ Fotos ]

Os cicloturistas do CCCambre Caeiro xa consideramos coma fixa esta proba no noso calendario e este ano desprazámonos alí unha boa representación formada por Abuín, Alberto, David, Julio, Moncho, Monky, Segade e Vicente. Tamén estiveron Monchito en representación dos “pros” e Karina, María, Ana, Carlos e Lois animosos coma sempre e disfrutando á súa maneira da femosa tarde que tivemos.

O percorrido foi semellante ó do ano pasado, con algunhas variantes nada máis sair e sobre todo despois de Camelle, donde nos meteron unha serie de subidas e baixadas de bastante nivel físico e técnico. Para os máis tranquilos había catro alternativas máis sinxelas que como adoita ocorrer, algúns aproveitaron para figurar sempre na cabeza do pelotón en todos os puntos donde había agrupamentos. Dende logo, ten que haber de todo e o que non está contento é porque non quere.

No extremo oeste da praia de Traba, concretamente no lugar de Mordomo, tivemos o avituallamento, moi ben dotado de bebidas frescas, sandwiches, chocolate e froita, donde a organización aproveitou tamén para reagrupar ós participantes antes de dar de novo a saída á dura e esixente segunda parte. Estes reagrupamentos son sempre controvertidos e hai opinións parar todos os gustos. Por unha parte os que máis corren teñen moito que esperar e ata se enfrían, pero por outra, tamén se conserva o espirito cicloturista non competitivo, que xa está bastante esquecido nas marchas de hoxen en día.

A verdade e que nós como iamos de “paseo”, disfrutamos desta parada para contar as nosas batallas acontecidas durante o percorrido e para charlar con outros cicloturistas coñecidos que atopamos por alí, tales coma Jaime de Vilalba ou outro rapaz de Burela que aproveitou para visitar outra das fermosas mariñas que hai en Galicia.
Ó remate da ruta e coñecendo a aglomeración que se produce nas duchas, procuramos entrar en Vimianzo dos primeiros e despois xa aseados tivemos tempo de sobra para saborear abondosos e variados pinchos acompañados de cervexa, refrescos e un coctel que prepararon por alí e que poñía un puntiño de alegría no corpo despois do esforzo anterior.

Bonito paseo por estas terras.