COÑÉCENOS

O Club Ciclista Cambre ten a súa orixe nun pequeno grupo de mozos practicantes de ciclismo que acordaron unirse para facer un equipo e participar en competicións federadas. Para elo, solicitaron apoio no Concello de Cambre por pertence-la maioría ó mesmo e polo seu apoio ó deporte. O Concello a súa vez, buscou o apoio privado da empresa Molduras do Noroeste pola súa traxectoria  nos movementos sociais e deportivos de Cambre.  Isto acontecía no ano 1999 e a data de hoxe seguen sendo os nosos patrocinadores maiores con plena satisfacción por ámbalas partes.

Despois, chegou a expansión do clube e coa conformidade dos nosos patrocinadores, incorporáronse novos colaboradores que complementan outras necesidades do club, tamén de gran importancia. Estes colaboradores son:

• Restaurante Casa Celia.
• A Chas, Carpintería mecánica.
• Tapicería Gestal.
• Luz Coruña, Rótulos Luminosos.
• Vegalsa (Eroski Center).
• Begano S.A.
• Coca Cola.
• Renault Caeiro S.A.
• Viveiros San Mamede de Seavia.
• NR Asesores.
• Fundación Deporte Galego.

Dende a nosa fundación, compartimos un pequeno local cun clube de fútbol no polideportivo dos Campóns. Pero dado o noso crecemento non cobre practicamente ningunha das necesidades actuais.

Xa transcorreron sete  anos e comezámo-lo oitavo, medramos ata case 110 deportistas entre Ciclismo de Estrada, Montaña, Ciclocros, Escolas, Cicloturismo, Triatlón,  Duatlón e Atletismo. Todo isto sen contar ós socios do clube que nos demandan un lugar de reunión para organizar actividades propias de ciclismo. Ademais, impídenos aumenta-lo seu número por falta de punto de reunión adecuado

Estamos  agardando a que se consolide a cesión dun local por parte do Concello na Barcala. Nel poderemos  desenrolar  tóda-las tarefas coma reunións, aula para cursos sobre os distintos deportes que fan os nosos deportistas, sala de reunións, sala de masaxes (imprescindible), obradoiro  e almacén  para bicicletas, ximnasio, servizos e vestiario con ducha, un pequeno garaxe para vehículos do club etc.. Sen esquencer que así teremos  unha oficina permanente con equipamento para as tarefas administrativas. Agardamos comeza-la  reforma no ano actual, “sería un gran éxito face-la presentación do ano 2008 nel”.